MyStore
RU

Hujjatlar

Maxfiylik siyosati

«MyStore» Servisi foydalanuvchilardan qanday maʼlumotlar toʻplashi, ulardan qanday foydalanishi, kimlar bilan ulashishi va ularni qanday himoya qilishi haqida.

Eʼlon qilingan sana:

Ommaviy oferta
Mundarija
  1. 1.Umumiy qoidalar
  2. 2.Yigʻiladigan maʼlumotlar
  3. 3.Qurilma ruxsatlari
  4. 4.Maʼlumotlardan foydalanish maqsadlari
  5. 5.Bildirishnomalar
  6. 6.Mijozning xaridorlari va xodimlari maʼlumotlari
  7. 7.Uchinchi tomon xizmatlari
  8. 8.Maʼlumotlarni saqlash va xavfsizlik
  9. 9.Maʼlumotlarni ulashish
  10. 10.Maʼlumotlarni saqlash muddatlari
  11. 11.Hisobni oʻchirish va maʼlumotlarni yoʻq qilish
  12. 12.Bolalar maxfiyligi
  13. 13.Sizning huquqlaringiz
  14. 14.Siyosatga oʻzgartirish kiritish
  15. 15.Aloqa

1.Umumiy qoidalar

1.1.
Ushbu Maxfiylik siyosati (keyingi oʻrinlarda — «Siyosat») «MYSTORE TECHNOLOGIES» MChJ (keyingi oʻrinlarda — «Operator», «biz») tomonidan «MyStore» Servisi — mobil ilova (iOS va Android), veb-versiya (app.mystoreapp.uz) va rasmiy sayt (mystoreapp.uz) — orqali foydalanuvchilardan qanday maʼlumotlar toʻplanishi, ulardan qanday foydalanilishi, kimlar bilan ulashilishi va qanday himoya qilinishini belgilaydi.
1.2.
Shaxsiy maʼlumotlar Oʻzbekiston Respublikasining «Shaxsiy maʼlumotlar toʻgʻrisida»gi Qonuni (2019-yil 2-iyul, OʻRQ-547), «Axborotlashtirish toʻgʻrisida»gi Qonuni va boshqa amaldagi normativ-huquqiy hujjatlarga muvofiq qayta ishlanadi.
1.3.
Ushbu Siyosat Ommaviy ofertaning ajralmas qismi hisoblanadi. Servisdan foydalanish orqali siz ushbu Siyosat shartlariga rozilik bildirasiz. Agar rozi boʻlmasangiz, Servisdan foydalanmang.
1.4.
Biz sizning shaxsiy maʼlumotlaringizni hech kimga sotmaymiz, ijaraga bermaymiz va tijorat maqsadlarida uzatmaymiz.
1.5.
Maʼlumotlarni qayta ishlash deganda ularni yigʻish, tizimlashtirish, saqlash, aniqlashtirish (yangilash, oʻzgartirish), ulardan foydalanish, egasizlantirish (anonimlashtirish), bloklash va yoʻq qilish bilan bogʻliq amallar tushuniladi. Qayta ishlash avtomatlashtirilgan vositalar yordamida amalga oshiriladi.

2.Yigʻiladigan maʼlumotlar

a) Shaxsiy maʼlumotlar — roʻyxatdan oʻtish va profil uchun:

  • ism, familiya, otasining ismi;
  • telefon raqami (asosiy identifikator);
  • email manzil (ixtiyoriy);
  • tugʻilgan sana va jinsi;
  • profil rasmi (ixtiyoriy);
  • Telegram foydalanuvchi nomi (ixtiyoriy).

b) Biznes maʼlumotlari — kompaniya (doʻkon) va savdo uchun:

  • kompaniya nomi, manzili, telefon raqami, logotipi;
  • mahsulotlar: nomi, narxi, shtrix-kodi, rasmlari, zaxira miqdori;
  • savdo operatsiyalari: sotilgan mahsulotlar, narxlar, toʻlov usullari, chegirmalar;
  • xaridorlar va yetkazib beruvchilar: ismi, telefon raqami, qarz/toʻlov tarixi;
  • xodimlar: ismi, lavozimi, roli va ruxsatnomalari;
  • omborlar: nomi, manzili;
  • moliyaviy operatsiyalar: daromad/xarajat, miqdori, valyutasi.

c) Texnik maʼlumotlar:

  • qurilma turi, operatsion tizim va ilova versiyasi;
  • til sozlamalari;
  • xatolar va nosozliklar haqidagi diagnostika maʼlumotlari: soʻrov manzili (URL), xato kodi, vaqti, qurilma haqidagi texnik maʼlumotlar, shuningdek muammoni aniqlash uchun zarur boʻlgan foydalanuvchi va kompaniya identifikatorlari. Ushbu maʼlumotlar faqat texnik nosozliklarni aniqlash va tuzatish maqsadida ishlatiladi;
  • saytdan foydalanishda — standart server jurnallari (IP-manzil, soʻrov vaqti, brauzer turi).

d) Ovozli va tasviriy maʼlumotlar (faqat tegishli modul yoqilganda):

  • Ovozli AI moduli: ovozli buyruqlar uchun yozilgan audio va sunʼiy intellekt tomonidan aniqlangan matn;
  • Invoice AI moduli: yuk xatlarining (nakladnoy) rasmlari va ulardan avtomatik ajratib olingan maʼlumotlar.

3.Qurilma ruxsatlari

Ilova quyidagi ruxsatlarni soʻraydi. Har bir ruxsat faqat tegishli funksiya uchun ishlatiladi va uni qurilma sozlamalarida istalgan vaqtda oʻchirish mumkin:

  • Kamera — mahsulot rasmlarini olish, shtrix-kod skanerlash va yuk xatlari rasmini olish uchun;
  • Foto kutubxona — mahsulot va kompaniya rasmlarini yuklash uchun;
  • Mikrofon — ovozli buyruqlar uchun (Ovozli AI moduli);
  • Bluetooth — termal chek printerlari va boshqa uskunalarga ulanish uchun;
  • Bildirishnomalar (push) — muhim voqealar (zaxira tugashi, yangi buyurtma, valyuta kursi oʻzgarishi va h.k.) haqida xabar berish uchun;
  • Biometrik autentifikatsiya (Face ID / barmoq izi) — ilovaga tez va xavfsiz kirish uchun. Biometrik maʼlumotlar faqat qurilmangizda saqlanadi va hech qachon serverga yuborilmaydi.

4.Maʼlumotlardan foydalanish maqsadlari

Yigʻilgan maʼlumotlar quyidagi maqsadlarda ishlatiladi:

  • Servis xizmatlarini koʻrsatish va yaxshilash;
  • foydalanuvchi hisobini yaratish, identifikatsiya qilish va boshqarish;
  • savdo, ombor va moliyaviy operatsiyalarni qayd etish;
  • qurilmalar va platformalar (mobil ilova ↔ veb-versiya) oʻrtasida maʼlumotlarni sinxronlash;
  • SMS orqali tasdiqlash kodlarini yuborish;
  • servis bildirishnomalarini (push, SMS, Telegram, email) yetkazish;
  • texnik xatolarni aniqlash va tuzatish;
  • obuna va balans hisoblarini yuritish;
  • ovozli buyruqlar va yuk xati rasmlarini qayta ishlash (tegishli modullar yoqilganda);
  • texnik yordam koʻrsatish va qayta aloqa oʻrnatish.

5.Bildirishnomalar

5.1.
Servisning ishlashi uchun zarur boʻlgan xizmat bildirishnomalari (tasdiqlash kodlari, obuna holati, tizim ogohlantirishlari) barcha foydalanuvchilarga yuboriladi.
5.2.
Yangiliklar, takliflar va aksiyalar haqidagi marketing xabarlarini olishga roʻyxatdan oʻtish orqali rozilik bildirasiz. Marketing xabarlaridan istalgan vaqtda, biz bilan bogʻlanish orqali, voz kechishingiz mumkin — bu xizmat bildirishnomalariga taʼsir qilmaydi.

6.Mijozning xaridorlari va xodimlari maʼlumotlari

6.1.
Servisga kiritiladigan xaridorlar, yetkazib beruvchilar va xodimlar toʻgʻrisidagi maʼlumotlarga nisbatan ushbu shaxslardan zarur rozilikni olish va maʼlumotlarni qonuniy asosda kiritish masʼuliyati Servisdan foydalanuvchi kompaniya (doʻkon) egasiga yuklanadi.
6.2.
Operator bunday maʼlumotlarni faqat kompaniya egasiga xizmat koʻrsatish doirasida qayta ishlaydi, ulardan oʻz maqsadlarida foydalanmaydi va uchinchi shaxslarga (7-boʻlimda koʻrsatilgan hollardan tashqari) uzatmaydi.

7.Uchinchi tomon xizmatlari

Servis ishlashi uchun quyidagi uchinchi tomon xizmatlaridan foydalanamiz. Har biriga faqat zarur minimal maʼlumot uzatiladi:

  • Eskiz.uz (SMS-provayder) — tasdiqlash kodlarini yuborish uchun telefon raqamingiz uzatiladi;
  • Google Firebase (FCM) — push-bildirishnomalarni yetkazish uchun qurilma identifikatori (token) ishlatiladi;
  • Sunʼiy intellekt provayderlari (jumladan, Google Gemini) — ovozli buyruqlarni matnga aylantirish va yuk xati rasmlaridan maʼlumot ajratib olish uchun tegishli audio yoki rasm uzatiladi (faqat modul yoqilganda va funksiya ishlatilganda);
  • Toʻlov tizimlari (Payme, Click va boshqalar) — obuna toʻlovlarini qabul qilish uchun; toʻlov kartasi maʼlumotlari bizning serverlarimizda saqlanmaydi va toʻgʻridan-toʻgʻri toʻlov tizimi tomonidan qayta ishlanadi;
  • Hosting-provayderlar — server infratuzilmasini taʼminlash uchun.

Uchinchi tomon provayderi almashtirilsa, unga ham ushbu Siyosatdagi kabi minimal zarur maʼlumot uzatish tamoyili qoʻllanadi.

8.Maʼlumotlarni saqlash va xavfsizlik

8.1.

Maʼlumotlaringiz quyidagi joylarda saqlanadi:

  • serverda — barcha maʼlumotlar shifrlangan ulanish (HTTPS) orqali uzatiladi va himoyalangan serverlarda saqlanadi;
  • qurilmangizda — oflayn ishlash uchun biznes maʼlumotlarining mahalliy nusxasi qurilmadagi bazada saqlanadi;
  • xavfsiz xotirada — PIN-kod va autentifikatsiya tokenlari qurilmaning himoyalangan xotirasida saqlanadi.
8.2.

Xavfsizlik choralari:

  • har bir kompaniyaning maʼlumotlari boshqa kompaniyalardan toʻliq izolyatsiya qilingan;
  • kirish SMS tasdiqlash kodi orqali amalga oshiriladi;
  • muhim operatsiyalar (hisobni oʻchirish, telefon raqamni oʻzgartirish) uchun qoʻshimcha SMS tasdiqlash talab etiladi;
  • xodimlar uchun rolga asoslangan ruxsatnomalar tizimi qoʻllanadi;
  • maʼlumotlar muntazam zaxira nusxalanadi.
8.3.
Maʼlumotlar xavfsizligi qisman sizga ham bogʻliq: kirish maʼlumotlaringizni (SMS-kod, PIN-kod) uchinchi shaxslarga bermang va qurilmangiz himoyasini taʼminlang.

9.Maʼlumotlarni ulashish

Shaxsiy maʼlumotlaringiz uchinchi tomonlarga sotilmaydi, ijaraga berilmaydi va savdo maqsadlarida uzatilmaydi. Maʼlumotlar faqat quyidagi hollarda uzatilishi mumkin:

  • 7-boʻlimda koʻrsatilgan uchinchi tomon xizmatlariga — xizmat koʻrsatish maqsadida;
  • qonunchilik talabiga binoan — sud qarori yoki vakolatli davlat organlarining qonuniy soʻrovi asosida.

10.Maʼlumotlarni saqlash muddatlari

10.1.
Maʼlumotlar hisob faol boʻlgan davr mobaynida saqlanadi.
10.2.
Obuna muddati tugab, yangi davr uchun toʻlov amalga oshirilmaganda, maʼlumotlar Ommaviy ofertaga muvofiq 90 (toʻqson) kalendar kun davomida saqlanadi, soʻngra oʻchirilishi mumkin. Faoliyati vaqtincha toʻxtagan (jumladan, mavsumiy) mijozlar murojaati asosida saqlash muddati kelishilgan holda uzaytirilishi mumkin.
10.3.
Hisob oʻchirilganda maʼlumotlar 11-boʻlimda belgilangan tartibda yoʻq qilinadi.

11.Hisobni oʻchirish va maʼlumotlarni yoʻq qilish

Siz istalgan vaqtda hisobingizni oʻchirishni soʻrashingiz mumkin. Oʻchirish jarayoni:

  • ilova ichidagi profil boʻlimidan oʻchirish soʻrovi yuboriladi;
  • soʻrov SMS-kod orqali tasdiqlanadi;
  • agar siz bir nechta kompaniyaga bogʻlangan boʻlsangiz, faqat joriy kompaniyadan chiqarilasiz;
  • agar faqat bitta kompaniyaga bogʻlangan boʻlsangiz, 30 (oʻttiz) kunlik kutish davri boshlanadi — bu muddat ichida tizimga qayta kirish orqali oʻchirishni bekor qilishingiz mumkin;
  • 30 kundan soʻng foydalanuvchi hisobi, barcha kompaniya maʼlumotlari, tokenlar va bogʻliq barcha maʼlumotlar butunlay oʻchiriladi;
  • telefon raqami anonimlashtirilib, qayta roʻyxatdan oʻtish uchun boʻshatiladi.

12.Bolalar maxfiyligi

MyStore Servisi 18 yoshdan kichik shaxslar uchun moʻljallanmagan. Biz ataylab 18 yoshdan kichik shaxslardan maʼlumot yigʻmaymiz. Agar bunday maʼlumotlar yigʻilganligi aniqlansa, ular darhol oʻchiriladi.

13.Sizning huquqlaringiz

Oʻzbekiston Respublikasi qonunchiligiga muvofiq siz quyidagi huquqlarga egasiz:

  • oʻz shaxsiy maʼlumotlaringizga kirish va ularni koʻrish;
  • notoʻgʻri yoki eskirgan maʼlumotlarni tuzatish;
  • hisobingizni va barcha maʼlumotlaringizni oʻchirishni soʻrash;
  • maʼlumotlaringizni qayta ishlashga eʼtiroz bildirish;
  • oʻz biznes maʼlumotlaringizni eksport qilish;
  • ushbu Siyosatga roziligingizni bekor qilish (Servisdan foydalanishni toʻxtatish orqali).

Ushbu huquqlardan foydalanish uchun 15-boʻlimdagi aloqa maʼlumotlari orqali biz bilan bogʻlaning. Murojaatlar oqilona muddatda koʻrib chiqiladi.

14.Siyosatga oʻzgartirish kiritish

14.1.
Ushbu Siyosat vaqti-vaqti bilan yangilanishi mumkin. Muhim oʻzgarishlar haqida foydalanuvchilar yangi tahrir kuchga kirishidan kamida 10 (oʻn) kalendar kun oldin ilova ichidagi bildirishnoma va (yoki) sayt orqali xabardor qilinadi.
14.2.
Oʻzgarishlar eʼlon qilinganidan keyin Servisdan foydalanishni davom ettirish yangi tahrirga rozilik hisoblanadi.

15.Aloqa

Maʼlumotlaringiz bilan bogʻliq savollar yoki soʻrovlar boʻyicha biz bilan bogʻlaning:

«MYSTORE TECHNOLOGIES» MChJ

Manzil:
Oʻzbekiston Respublikasi, Toshkent shahri, Olmazor tumani, Shifokor koʻchasi, 108a-uy
Veb-sayt:
https://mystoreapp.uz
Email:
info@mystoreapp.uz
Telefon:
+998 97 746 05 97, +998 99 813 40 77
Telegram:
@MyStore_Sales

Ushbu Siyosat oʻzbek va rus tillarida eʼlon qilinadi. Versiyalar oʻrtasida tafovut boʻlganda oʻzbek tilidagi versiya ustuvor hisoblanadi.